* * *
Æз мæ райгуырæн бæстæмæ
Ног æрцыдтæн, нæу уый фын:
Хъæуы райгуырдтæн, фæстæмæ
Хъæуы райдыдтон цæрын.
Уыцы хъæу у Дзæуджыхъæу,
Хурау – зæрдæмæ хæстæг.
Ирæй алкæй хуызæн дæу
Хоны йе ‘мтуг æмæ стæг.
Мах йæ сæрвæлтау хæстыты
Фыдгултимæ кодтам тох.
Федта уый йæхи цæстытæй
Цъитиджын Сæнайы Хох.
Ам кæддæр æрцард мæ хъæстæ,
Ауагъта йæ уидаг арф.
Уадз æрттивæд ам нæ фæстæ
Ноджы ирддæрæй цъæх арв.
Уадз фыдæлты кадау дардмæ
Хъуысæд фарны дзырд, нæртон.
Хъуысæнт дунетæ нæ зардмæ,
Ма уæд амондæн кæрон.
По материалам книги "Город у синих гор" / сост. И. Бибоева, ред. И. Хайманова.– Владикавказ: Перо и кисть, 2004